Ditën e sotme në mediat online qarkulloi lajmi se portieri Alban Hoxha dhe mesfushori Lorenc Trashi kanë pësuar një aksident me makinë. U përfol se makina ishte shkatërruar, ndërsa Trashi kishte pësuar disa dëmtime në brinjë.
Pas këtyre lajmeve më në fund ka reaguar vet portieri i “Partizanit”, Alban Hoxha në një prononcim për revistën “Who”. Ai ka thënë se aksidenti ka ndodhur me të vërtetë, por situata është ekzagjeruar shumë.
“Është një gërvishtje e vogël e makinës që është turp të bëhet lajm. Por normalisht këtu bëhet qimja tra”- është shprehur Albani.
