Edhe UEFA ka shkruar për vdekjen e hershme të Fadil Vokrrit. Aleksander Ceferin e konsideron Vokrrin si një figurë kyçe në pranimin e Kosovës në UEFA në vitin 2016.
Fadil Vokrri, emri që tregon më së miri për anëtarësimin e Kosovës në UEFA dhe FIFA, ka vdekur para kohe, sot në moshën 57-vjeçare, lajm që ka shokuar të gjithë.
Pas figurave të ndryshme, edhe UEFA i ka shprehur ngushëllime familjarëve për vdekjen e Vokrrit.
Aleksander Ceferin, numri një i UEFA-s, e ka lartësuar figurën e Fadilit.
“Jemi shokuar dhe jemi thellësisht të mërzitur për vdekjen e Fadil Vokrrit”, thotë numri një i UEFA-s, Aleksander Ceferin.
“Ai ishte një futbollist i shquar i cili gëzoi karrierë të shkëlqyer dhe u bë administrator i futbollit dhe president i shoqatës kombëtare të kalibrit më të lartë”.
“Fadili ka qenë figurë kryesore në zhvillimin e Futbollit të Kosovës që ia mundësoi të bëhet anëtare e UEFA-s në vitin 2016”, tha më tej Ceferin.
“Në emër të Futbollit Evropian, dua t’i shpreh ngushëllime familjarëve, Federatës së Futbollit të Kosovës dhe komunitetit të Futbollit të Kosovës”. /
