Skënder Gega është trajneri i ri Partizanit. U mësua që para dy ditësh arritja e marrëveshjes dhe tanimë ish-lojtari i të kuqve do të ketë një detyrë të vështirë: të rikthejë në kampin e kuq titullin kampion, që mungon prej vitit 1993.
Vitet e fundit kanë tentuar dhe i janë ofruar, por në fund nuk ia kanë dalë dot. Tashmë Gega, që në shkuarën ka mbajtur edhe shiritin e kapitenit te Partizani, do duhet të fitojë edhe si trajner. Misioni ka nisur.
