Mesfushori i Barcelonës Rafinha duket se tashmë nuk po kalon një javë aspak të mirë, sepse ende nuk po është vendosur e ardhmja e tij.
Menaxheri i lojtarit, që në të njëjtën kohë është edhe agjenti i tij, Mazinho, në një prononcim të dhënë për “Goal.com” është shprehur se tashmë janë në pritje të një vendimi, sepse klubet akoma nuk e kanë vendosur të ardhmen e lojtarit dhe një përgjigje përfundimtare do të jetë në javën e ardhshme.
Kujtojmë që Rafinha është bashkuar me Interin në merkaton e Janarit në formë huazimi nga Barcelona me të drejtë blerje, por duket se drejtuesit zikaltër nuk duan të shpenzojnë shumë për mesfushorin.