Pas një sezoni bindës te Schalke 04, Thilo Kehrer nuk është vetëm në listën e dëshirave të Barcelona-s, por mesa duket edhe të Real Madrid dhe Valencia.
Sipas Mundo Deportivo, është Valencia ekipi më i interesuar për mbrojtësin, i cili prej një kohe të gjatë është nën vëzhgimin e “Lakuriqit të Natës”. Një transferim gjatë verës është i mundur, por shuma e lojtari po rritet nga dita në ditë.
Kontrata e tij me Schalke skadon më 2019. Dhe gjatë kësaj vere është e mundur që gjermanët të heqin dorë prej tij në mënyrë që të mos largohet me parametra zero.
E sigurt është se lojtari nuk do të rinovojë me klubin aktual.
Gjatë sezonit të kaluar Kehrer ka luajtur në 33 ndeshje kompetitive duke shënuar 3 gola.
