Llogaria zyrtare e Roma-s në Twitter ka sugjeruar se gjithçka ka përfunduar për blerjen e Justin Kluivert nga Ajax.
Media sociale e Ujqërve ka bërë bujë këtë vit me mënyrën e veçantë të zyrtarizmit të lajmeve falë përdorimit me zgjuarsi të meme-ve, videove dhe Photoshop-it për të zbuluar lojtarët e rinj.
Klubi ka zbuluar një foto të re ditën e diel ku shihet Monchi dhe blerjet e reja Ante Coric, Bryan Cristante dhe Ivan Marcano të vizatuar.
Por ka edhe një lojtar të katërt në prapaskenë, me kokën e mbuluar nga një ujk.
Dhe është dukur si një foto ekzistuese e Kluivert te Ajax. Blerja thuhet të konfirmohet ditën e hënë dhe Roma do të paguajë 15 milionë euro për shërbimet e holandezit 19-vjeçar.
Ai do të nënshkruajë një kontratë pesëvjeçare nga e cila do të përfitojë 1.4 mln euro në vit.
Monchi making moves pic.twitter.com/usuAEVjMNk
— AS Roma English (@ASRomaEN) June 10, 2018
