Futboll Sport

Ronaldo barazohet me Puskas: Ne nuk jemi favoritë të Botërorit, por jemi…

Cristiano Ronaldo ka kaluar nëpër mediat portugeze dhe konferencën për shtyp, pas barazimit 3-3 në ndeshjen debutuese të Kupës së Botës së kësaj vere, kundër Spanjës. Ai shënoi tre gola në portën e De Gea, duke u dhënë të tijve një pikë në startin e këtij kompeticioni global, që po zhvillohet në Rusi.

Cristiano Ronaldo u zgjodh si njeriu i ndeshjes. Sulmuesi i Real Madridit hapi rezultatin me 1-0, duke kthyer në gol një penallti të hershme, pastaj i kaloi të tijtë në epërsinë e dytë, 2-1, pak para pushimit mes dy pjesëve, derisa vulosi barazimin 3-3 me atë goditje dënimi të jashtëzakonshme, në minutën e 88-të.

Ndeshja: “Kjo është puna e shumë viteve. Njerëzit gjithmonë kanë besuar te mua dhe unë punoj për vendin tim. Ne përpiqemi të fitojmë. Barazimi ishte i drejtë për mundësitë. Spanja e ka kontrolluar topin”.

Rezultati: “Ekipi ynë ka sakrifikuar deri në fund. Mos harroni se jemi përballur me një nga favoritët për fitimin e këtij Botërori”.

Rekordi: “Unë jam shumë i lumtur që kam shënuar në Botërorin tim të katërt dhe kam arritur një rekord të ri në karrierë, por gjëja më e rëndësishme nuk është kjo. Me vlera është barazimi që kemi marrë ndaj njërit nga favoritët për ta fituar Botërorin”.

Klasifikimi: “Jam i lumtur, sepse kemi arritur të nxjerrim një barazim nga ndeshja hapëse, kundër Spanjës. Tani duhet të marrim dy fitore, sikurse Spanja, por e vetmja gjë për të cilën mendoj është ndeshja e radhës kundër Marokut”.

Shpresat në Botëror: “Ju duhet ta merrni çdo ndeshje me angazhimin maksimal në Botëror. Spanja, sikurse tashmë e dimë, është një ekip që luan futboll të mirë, ndaj për ne ka qenë e komplikuar. Ne nuk jemi favoritë në këtë Botëror, por jemi kampionët e Europës dhe një kandidat më shumë”.

Rekordi / Gol në 4 Botërorë dhe arrin Puskas
Cristiano Ronaldo vazhdon të grumbullojë rekorde në bazë të golave. Kundër Spanjës, ndaj së cilës kurrë nuk kishte shënuar një gol, bëri një “hat-trick” në barazimin 3-3. Me këtë tripletë në Sochi, CR7 shënoi golin e tij të gjashtë në Kupën e Botës dhe u barazua në këtë drejtim me sojin e Pele (1958, 1962, 1966, 1970); Seeler (1958, 1962, 1966, 1970) dhe Klose (2006, 2010, 2014, 2018), të cilët arritën të shënonin në katër Kupat e Botës.

Cristiano Ronaldo tashmë ka shënuar në “Gjermani 2006” ndaj Iranit (i cili është në këtë Kupë Botërore), në vitin 2010 ndaj Koresë së Veriut dhe në vitin 2014 ndaj Ganës. Përveç kësaj, ai është i vetmi lojtar në historinë e futbollit, që ka shënuar në tetë faza finale: “Euro 2004” (2), “Botërori 2006” (1), “Euro 2008” (1), “Botërori 2010” (1), “Euro 2012” (3), “Botërori 2014 (1), “Euro 2016” (3) dhe “Botërori 2018” (3).

Gjermanët Kilnsmann dhe Klose mbeten në gjashtë faza finale. Me këto të dhëna, Cristiano Ronaldo ka arritur të jetë Kampion Europian (2016), i dyti në Europë (2004) dhe gjysmëfinalist në “Euro 2012” dhe “Botërorin 2016”. Gjithashtu, me tre golat e djeshëm, ylli portugez barazoi një mit tjetër: Puskas. Hungarezi kishte 84 gola, si golashënuesi rekord në skuadrat europiane. CR7 e ka arritur këtë numër. Mbresëlënëse.

Related posts

E BUJSHME/ Ish-gruaja denoncon futbollistin e Manchester Cityt, ja për çfarë e akuzon…

Delo.autor

REZULTON POZITIV ME COVID-19/ Ronaldinho: Jam mirë, jam asipmtomatik

Delo.autor

BASKETBOLL/ Anadolu Efes fiton derbin turk dhe kryeson Euroleague, ndjekin Real e Barça

Delo.autor

Leave a Comment