Sot është dita e së vërtetës për djemtë e Joachim Low. Sot luhet ndeshja e parë e Kupës së Botës ndaj Meksikës.
Sot nuk ka më pyetje, por vetëm përgjigje në fushë.
Por një lajmi keq ka ardhur disa orë përpara ndeshjes që nis në orën 17:00.
Jonas Hector, sipas informacioneve të Bild, do të mungojë për shkak të gripit.
Për Low ky është një problem i madh, pasi Hector në krahun e majtë të prapavijës është një zgjidhje shumë solide, për një pozicion ku nuk ka shumë zgjedhje.
Gjatë Euro 2016, lojtari i FC Koln ka bërë një punë shumë të mirë, teksa shënoi edhe penalltinë vendimtare ndaj Italisë në çerekfinale.
Në vend të tij do të luajë Marvin Plaettenhardt. Ylli i Hertha Berlin është një armë më shumë me të majtën e tij të fortë për Gjermanët.
