Në “Mordovia Arena” do të zhvillohet një ndeshje për krenarinë mes Panamasë dhe Tunizisë, duke parë se të dy ekipet janë eliminuar nga Kupa e Botës.
Të dy këto skuadra kanë arritur të shënojnë në ndeshjet e fundit. Kjo do të jetë përballja e parë mes këtyre dy kombëtareve. Roman Torres u kthye në heroin e Panamasë me golin e parë të realizuar për kombëtaren e tij në një Kupë të Botës, në ndeshjen e luajtur kundër Anglisë dhe do të kërkojë të bëjë të njëjtën gjë në ndeshjen e së enjtes.
Ndërkohë, lojtari më i rrezikshëm i Tunizisë është Wahbi Khazrri, i cili ka shënuar kundër Belgjikës dhe ka realizuar nëntë gola në 24 ndeshjet e luajtura me Rennes në Ligue 1. Për sa i takon statistikave, Panamaja ka shënuar vetëm dy gola në shtatë ndeshjet e fundit.
Tunizia, nga ana tjetër, ka pësuar të paktën një gol në pesë ndeshjet e fundit. Në fund, Panamaja ka shkaktuar dy penallti dhe është skuadra që ka marrë numrin më të madh të kartonëve të verdhë në këtë Botëror (tetë).
