Tek Argjentina nuk ka qetësi. Barazimi i fundit ndaj Islandës e ka trazuar edhe një herë ambientin albiçeleste, që në muajt e fundit ka qenë i prekur nga probleme të shumta. Situata nuk ishte aspak e qetë që para nisjes së botërorit.
Në Argjentinë u publikuan lajme nga mediet se trajneri i përfaqësueses, Jorge Sampaoli ishte i përfshirë në një skandal seksual. Ai tentoi që të përdhunonte një punonjëse të federatës të martuar, por kjo ngjarje u mbajt e fshehur nga drejtuesit e institucionit numër 1 të futbollit argjentinas.
Madje ndaj personit të prekur u ofruan para që të heshtte. Sigurisht që të tilla ngjarje nuk bëjnë gjë veçse trazojnë situatën. Por në mbrojtje të trajnerit Sampaoli ka dalë presidenti i federatës, Claudio Tapia.
“Çdo ditë diçka ndodh e kjo është e dizajnuar për të dëmtuar. Unë në këtë rast besoj në ndershmërinë e trajnerit tonë. Unë e di se çfarë lloj njeriu ai është dhe nuk do të rresht se mbështeturi atë.
Njeriu që supozohet se i ka ndodhur ky abuzim ka burrë dhe fëmijë, por njerëzit nuk mendojnë për dëmin që i bëhet duke gënjyer kaq shumë”, deklaroi Tapia.
Sampaoli fitoi Copa America në vitin 2015 me Kilin. Ai ka një vit që ka marrë drejtimin e dy herë kampionëve të botës.
