Trajneri i Portugalisë, Fernando Santos, ka paralajmëruar Spanjën se në Rusi, nuk ia kanë frikën asnjë kundërshtari.
Spanja dhe Portugalia do të përballen të premten nga ora 20:00, sfida e parë në Grupin B, ndërsa ndeshja tjetër do të jetë mes Iranit e Marokut.
“Nuk ka asnjë ekip perfekt dhe ne jemi gati, jemi përgatitur shumë mirë”, u shpreh Santos.
“Nuk duam të tregohemi arrogant, por kemi shumë besim. E dimë se mund të mposhtim çdo kundërshtar”, tha Santos.
“Largimi i Julen Lopetegui? Spanja është ekip i mirë, i bashkuar dhe nuk mendoj se do të ndryshojë shumëçka”.
