Një psherëtimë lehtësimi për Juventusin! Trajneri i Portugalisë, Fernando Santos, foli për gjendjen fizike të Cristiano Ronaldos pas fitores 4-1 ndaj Kroacisë në ndeshjen e parë të Ligës së Kombeve:
“Cristiano Ronaldo është stërvitur dhe është shumë më i mirë. Ai do të stërvitet përsëri dhe në parim do të udhëtojë për në Suedi me ekipin. Pastaj do të marrim një vendim për aktivizimin e tij të mundshëm”, u shpreh trajneri, sipas lajmit të raportuar nga “A Bola”.
CR7 ishte në tribunë ndaj Kroacisë për shkak të një infeksioni të bezdisshëm në këmbën e tij të djathtë.
