Skënderbeu është gjithnjë e më shumë i përfshirë nga ankthi dhe pritja për të marrë vendimin e KAS në lidhje me pjesëmarrjen në Europë për sezonin e ardhshëm apo jo.
Pavarësisht se në fillim u fol se data 5 qershor do të ishte edhe dita kur KAS do të shprehej në lidhje me këtë çështje, ende nuk ka asnjë të re.
Megjithatë, e sigurt është se klubi do të marrë një përgjigje javën e ardhshme, pasi në datën 19 qershor hidhet dhe shorti i UEFA-s, për ndeshjet europiane dhe detyrimisht përgjigjja nuk do të vonojë për korçarët.
