Me Iranin në horizont, Spanja e di që prioriteti më i lartë duhet të jetë të fitojë, në çfarëdo mënyre të mundshme. Prioriteti i dytë është të shënojë sa më shumë gola të jetë e mundur, sepse beteja për të dalë parët në Grupin B do të vendoset nga diferenca e golave nëse Spanja dhe Portugalia i fitojnë të dyja ndeshjet e ardhshme, siç pritet. Është e qartë se Kampionati Botëror është plot me kthesa dhe kthesa të forta madje, por Spanja po synon të fitojë grupin dhe golat janë mënyra e vetme për ta bërë atë pas barazimit të së premtes. Do të jetë një kërcënim i madh kundër golashënuesit më të mirë të kompeticionit deri më sot, Cristiano Ronaldo dhe kundër Iranit, që fitoi me një lojë të mërzitshme kundër Marokut të premten.
Në 18 ndeshje kualifikuese, Irani pranoi vetëm tre gola dhe ata nuk kanë pësuar gol në debutimin e tyre në Rusi gjithashtu, duke përdorur strukturën e organizuar të preferuar nga trajneri Carlos Quieroz. Ish-trajneri i Real Madridit me siguri do të vendosë një skemë të tillë në Kazan të mërkurën, ndërsa Portugalia do të luajë kundër Marokut me të njëjtin objektiv në mendje, të shënojë sa më shumë për t’u pozicionuar në krye të grupit. Cristiano Ronaldo dëshiron të jetë sërish golashënuesi i kompeticionit, por ai nuk do të ketë një detyrë të lehtë kundër Marokut, i cili nuk ka pranuar gol në gjashtë ndeshje kualifikuese dhe ka pranuar vetëm një gol kundër Iranit, i cili në fakt ishte autogol. Qëllimi është i qartë, por sigurisht nuk është e lehtë të realizohet. Spanja dhe Portugalia janë dy ekipet favorite për të kaluar në raudnin tjetër, por edhe për të fituar kompeticionin. Lufta në grup do të jetë kush ekip do të renditet në vend të parë.
