Angli-Poloni, ndeshje e vlefshme për Grupin I të kualifikueseve për Katar 2022, aty ku ndodhet edhe Shqipëria, është zhbllokuar në minutën e 19-të.
Goli është shënuar nga Harry Kane me penallti. Sulmuesi i Tottenham ka shënuar një gol në çdo ditë të javës për Anglinë, duke u bërë vetëm lojtari i tretë që e bën një gjë të tillë për Tre Luantë pas Wayne Rooney dhe Frank Lampard.
Penalltia është fituar nga Raheem Sterling, por përsëritja e imazheve lë shumë dyshime. Fatmirësisht për anglezët, në fazën kualifikuese të Botërorit nuk ka VAR.
