Tottenham interesohet për Joao Mario, për të cilin Inter kërkon 32-35 mln euro.
Mesfushori portugez, aktualisht në Kupën e Botës, fazën e dytë të sezonit të kaluar e kaloi në Premier League te West Ham i huazuar dhe tani kërkon transferimin nga Inter.
“Nuk kthehem më në Itali,” kanë qenë fjalët e tij disa javë më parë.
Inter shpenzoi 40 mln euro për të kur e mori nga Sporting, dhe do të ishte i kënaqur të mos dilte me shumë humbje nga shitja e tij.
Tottenham, që ka qenë në kontakt me Inter gjatë javëve të fundit për Dembele, ka qenë në gjendje ta shikojë nga afër Joao Mario-n gjatë Kupës së Botës.
Pochettino e konsideron si lojtarin e duhur në mesfushë për skemën 4-2-3-1.
