Milan ka rinovuar kontratën me Romagnoli deri në vitin 2022 dhe ai do të jetë partneri i kapitenit Bonucci, me Calabria në të djathtë dhe Rodriguez në të majtë. Futbollistët e tjerë të prapavijës kuqezi kanë bërë gati valixhet dhe do të largohen gjatë verës.
“Gazetta dello Sport” ka shkruar se Ignacio Abate i ka kaluar pushimet në SHBA dhe atje ka arritur një marrëveshje për ta vazhduar karrierën në MLS, ende pse nuk bëhet ende i ditur emri i klubit.
Gustavo Gomez ka shumë gjasa të rikthehet në Argjentinë, ndërsa mbrojtësi i tretë që do të largohet nga kuqezinjtë është Luca Antonelli, i cili ka gjetur marrëveshjen me Bologna dhe vitin e ardhshëm do të luajë me ekipin që do të drejtohet nga Inzaghi.
