Populli madrilen duhet ende të marrë veten nga fjalët e Zinedine Zidane, që gjatë një conference për mediat ka zbuluar vendimin për tu larguar nga Real Madrid. Drejtuesit e klubit janë vënë tashmë në gjurmim të një zëvendësuesi të denjë, pas largimit të francezit. Sipas medias spanjolle, mes kandidatëve më favoritë qëndron pikërisht trajneri i Juventus, Massimiliano Allegri.
Referuar të përditshmes spanjolle “AS”, është zbuluar fakti se mes trajnerit toskan dhe klubit të Juventus ekziston një marrëveshje xhentëllmenësh, që i lejon Allegrit të largohet nga klubi bardhezi në rast se i bëhet ndonjë ofertë e parezistueshme. Sigurisht që pankina e Real Madrid tundon të gjithë, por do të duhet akoma edhe pak kohë për të kuptuar nëse ato që referon “AS” janë vetëm thashetheme, apo korespondojnë me realitetin.
