Presidenti i Napolit, Aurelio De Laurentiis ka thënë se Cristiano Ronaldo ka luajtur rolin e trajnerit te skuadra e Juventusit.
Sipas tij, 5 herë fituesi i “Topit të Artë” është çelsi i motivimit të skuadrës së Juventusit, shkruan “Calciomercato”.
“Cristiano Ronaldo është i fortë sepse me praninë e tij në këtë kampionat ka zëvendësuar trajnerin Allegri. Motivuesi i vërtetë është Cristiano, njeriu i duhur për të motivuar lojtarët në dhomat e zhveshjes”, ka deklaruar De Laurentis.
“Kur pashë atë të luante me ekipin e tij kombëtar, ai ishte ulur në stolin rezervë duke thirrur më shumë se trajneri. Qëllimi i tij ishte për t’i motivuar shokët e skuadrës që të fitonin”, tha ai.
Kujtojmë që në verën e vitit 2018 Cristiano Ronaldo u largua nga Real Madrid për t’iu bashkuar Juventusit.
