Antoine Griezmann ka zbuluar të ardhmen e tij. Ai ka vendosur të qëndrojë tek Atletico Madrid.
Sulmuesi i përfaqësueses franceze, i cili aktualisht është në Rusi duke u përgatitur për Kupën e Botës, kishte shpallur gjatë paradites se do ta shpallte vendimin e tij në orët e vona të mbrëmjes.
Dhe tani ka ardhur, ai ka konfirmuar se nuk do të largohet nga Atletico Madrid.
Nëpërmjet një videoje ku në fillim shfaqet duke luajtur lojën e famshme të Fortnite, ai ka deklaruar se nuk do të largohet nga Wanda Metropolitana, dhe në sfond kishte vendosur këngën e Drake God’s Plan.
Ishte një vendim që pritej për mënyrën se si u servir, dhe padyshim që tifozët e Atletico Madrid do të jenë shumë të kënaqur.
