Klubi i Atletiko Madrid po zhvillon një merkato mjaft të mirë jo vetëm me afrimet, kur përpara disa ditësh zyrtarizoi mbrojtësin e Monakos Lemar, por edhe duke mbajtur në ekip lojtarët e saj më të mirë. Antuan Griezman bëri të ditur para pak javësh se do të vazhdonte të luante për “los colchoneros”, duke refuzuar kështu kampionët e Barcelonës.
E për të hedhur gjithçka “të zezë mbi të bardhë”, drejtuesit e klubit spanjoll nuk kanë pritur shumë, me pronarin Migel Angel Gil Marin që ka udhëtuar personalisht drejt Rusisë ku ndodhet francezi i angazhuar me kombëtaren e tij, për të firmosur kontratën e re.
Kështu sulmuesi i “gjelave” do të jetë nën urdhërat e Simeones deri në vitin 2023, ndërkohë ka rinovuar kontratën me madrilenët edhe francezi tjetër Lucas Hernandez, me 22-vjeçarin që ka zgjatur afatin e qëndrimit në Spanjë deri në vitin 2024.
