Trajneri i Napolit Carlo Ancelotti kërkon të sjellë sulmuesin e Real Madrid Karim Benzema në Serie A. Klubi kërkon t’i përgjigjet blerjes së Cristiano Ronaldo nga Juventus dhe ka gati 45 mln euro që do t’ia paraqitë në ditët e ardhshme klubit spanjoll.
Ancelotti dihet që është një mbështetës i madh i Benzema dhe këtë e ka treguar edhe gjatë kohës kur ka qenë trajneri i Los Blancos dhe mendon se do të ishte sulmuesi ideal për Napolin e tij.
Benzema ka qenë një titullar konstant që pas ardhjes së tij në Bernabeu më 2009 dhe ka shënuar 192 gola në 413 paraqitje. Gjithsesi, presidenti i Real, Florentino Perez, nuk do ta ketë kaq të lehtë të heqë dorë nga një tjetër yll i ekipit pas largimit të Ronaldo-s.
Të paktën pa gjetur një zëvendësues të denjë, dhe lista është e gjatë. Por lojtari i tij i preferuar për rolin e qendërsulmuesit mbetet Harry Kane.