Arsenal ka kompletuar blerjen e mesfushorit të Lorient, Matteo Guendouzi për një shifër që nuk është zbuluar akoma. Lojtari i kombëtares franceze Under 20 ka luajtur 20 ndeshje me Loreint sezonin e kaluar dhe ka dalë nga akademia e PSG, prej ku është larguar në 2014-ën. Guendouzi mësohet të ketë nënshkruar një kontratë 5-vjeçare me klubin anglez.
Trajneri i “Topçinjve”, Unai Emery, ka thënë: “Jemi të gëzuar për faktin se Matteo do të bashkohet me ne. Ai është një lojtar shumë i talentuar dhe kërkohej nga shumë klube. Ka një potencial të madh dhe ka fituar eksperiencë sezonin e kaluar te Lorient. Do të jetë një element shumë i rëdnësishëm për ekipin tonë të parë”.
Guendouzi është përforcimi i pestë i Arsenal në këtë merkaton pas marrjes së Lichtsteiner, Leno, Sokratis dhe Torreira.
