Ka nga ata që nuk e kan pritur mirë transferimin e Cristiano Ronaldo tek Juventus dhe, mes këtyre, janë tifozët e një Milan që nuk po kalon një moment aspak të mirë.
Ndërkohë, transferimi i CR7 në Torino, sponda bardhezi, shkakton një “efekt të tmerrshëm” për një kuqezi të veçantë, si ish-presidenti Silvio Berlusconi, i cili, gjatë një interviste për “Il Giornale”, ka thënë se:
“Çfarë efekti më bën ta shikoj Ronaldo-n tek Juventus? Si një tifoz i Milan, është një gjë e tmerrshme. Por, në të vërtetë, ardhja nëSerinë A e një kampioni absolut si Cristiano Ronaldo është një lajm i mirë, jo vetëm për Juventus, por për të gjithë futbollin italian. I bëj komplimentet Juventus-it”.
