Mbrojtësi i Lester Sitit, Herri Meguajër ka bërë një paraqitje të shkëlqyer me ekipin e Anglisë në Botëror. Ky është dhe shkaku kryesor pse sot ai është një ndër mbrojtësit më të kërkuar në merkaton e kësaj vere.
Sipas asaj që raporton “Daily Star”, është klubi i Mançester Junajtidit ai që po kërkon me ngulm shërbimet e lojtarit. Kështu sipas të njëjtit burim thuhet se “djajtë e kuq” është i gatshëm të paguajë deri në 90 milionë euro. Nëse ky transferim do të arrihej për këtë shifër, Meguajër do të bëhej mborjtësi më i shtrenjtë i transferuar ndonjëherë.