Tifozët e Interit duket se këtë vit besojnë se skuadra e tyre do të bëjë një sezon të madh. Ata ende presin një goditje të bujshme në merkato por blerjet e Naingolan dhe De Vrij kanë rritur besimin.
Rreth 1 muaj larg nga nisja e sezonit drejtuesit raportuan se është kaluar shifra e 35 mijë abonimeve në stadium. Rikthimi në Champions Ligë sigurisht që ka një peshë të madhe në këtë efekt. Inter do të luajë ndeshjen e dytë të kampionatit në shtëpi, atë ndaj Torinos në 26 gusht. Shifra të tilla Inter i ka parë vetëm në vitin e tripletës kur abonimet kaluan 40 mijë.
