Tekniku i ri i Skënderneut Orges Shehi e ka kuptuar që ka shumë punë për të bërë për të ndërtuar ekipin e ri. Fakt janë testet miqësore që bardhekuqtë kanë zhvilluar deri më tani. Bilanci nuk është i kënaqshëm për kampionët në fuqi të Shqipërisë të cilët kanë fituar 2 (5-0 me Skënderbeun U19 dhe Maliqin 2-0) dhe dy barazime 0-0 me Teutën dhe Renovën. Korçarët kanë vuajtur në repartin sulmues, por me ardhjen e Bregut pas përfundimit të shërbimit të fundit me Luftëtarin në Europa LEAGUE e ka gati fazën ofensive. Megjithatë, ish-portieri legjendar i Skënderbeut do të shikojë rezultatet e një tjetër prove me Trepçën e Kosovës sot në orën 17:00.
Nëse rezultati dhe loja nuk bind, atëhere duhet të mendohet për blerje të rëndësishme në merkato. Largimet e Alitit, Gavazajt, Adeniyi, Lilajt, Micit kanë krijuar boshllëqe në skuadrën kampione të Shqipërisë e cila ka marrë goditje dhe nga CAS-i për pjesëmarrjen në kompeticionet europiane. Megjithatë gadishmëria e Vangjelit, Osmanit dhe Muzakës pritet t’i japë frymëmarrje skuadrës dhe Shehit, që kërkon të ketë një ekip ende solid, pavarësisht situatës së vështirë që po kalon.
