Që Botërori i Rusisë është i mbushur me çudira, kjo tashmë dihet dhe po vërtetohet ditë pas dite. Çuditë e këtij Botërori nisën që në fazën e paraeliminatoreve, kur jashtë mbetën skuadra si Italia, Holanda, Kili apo edhe eliminimi i parakohshëm i Gjermanisë e Argjentinës.
Në fakt, skuadrat e mbetura në këtë kompeticion, janë të gjitha me meritë absolutisht, por asnjëra prej tyre nuk është aktualisht një kampione në fuqi. Kështu, Gjermania kampione e Botës në fuqi, Argjentina nënkampione e Botës, Portugalia kampione Europe, janë skuadrat që janë eliminuar së fundmi nga ky turne. Këtyre ekipeve, i bashkohet edhe Australia, kampione e Azisë, Kameruni si kampione e Afrikës, Kili si kampione e Amerikës apo Zelanda e Re si kampione e Oqeanisë.
Kampionet në fuqi që mungojnë në këtë Botëror:
Gjermania– Kampione Bote
Portugalia– Kampione Europe
Australia– Kampione aziatike
Kameruni– Kampion i Afrikës
Zelanda e Re– Kampione e Oqeanisë
Kili– Kampion Amerike
Argjentina– Nënkampione Bote
