Pas aventurës greke, ish-kapiteni i PARTIZANIT zbulon dëshirën e madhe Idi Batha do të luajë në kampionatin grek. Ish-kapiteni i Partizanit ka arritur marrëveshjen me AEL e Larisës për të qenë pjesë e tyre për 3 vitet e ardhshme.
Pas një paraqitje të mrekullueshme me të kuqtë, 26-vjeçari është gati të sprovojë veten e tij në një kampionat më të fortë. Ofertat për të nuk kanë munguar, megjithatë ai zgjodhi të luante jashtë vendit për një arsye madhore: Të arrijë Kombëtaren shqiptare. Me sa duket dëshira e mesfushorit gjirokastrit është t’i bashkohet ekipit të Panuçit, megjithatë për këtë i duhet të punojë shumë në fushën e blertë. Ende është i ri dhe karrierën e ka përpara.
Ndoshta në një të ardhme ai do të bindë trajnerin kuqezi që t’i bashkohet përfaqësueses së vendit të tij.
