“Martesa” mes Cristiano Ronaldos dhe Juventusit është shumë pranë zyrtarizimit, me mediat sportive që e bëjnë të kryer transferimin e portugezit në Seria A. Por, ai që ka menduar t’i hedh më shumë benzin zjarrit ka qënë mbrojtësi portugez, Bruno Alvesh është i bindur se Ronaldo do të triumfojë edhe tek Juventusi.
“Cristiano Ronaldo do të triumfojë përsëri në Juventus. Nuk ka ligë ku ai nuk mund të jetë i suksesshëm. Ai ka provuar tashmë se ai mund të fitojë në çdo vend dhe Italia nuk është ndryshe. Unë jam i kënaqur me të, sepse Ronaldo është njeriu kyç tek kombëtarja e Portugalisë. Kam luajtur për 12 vjet dhe e di se sa ai mund ta motivojë veten. Kjo është e rëndësishme kur pranon një sfidë të re.”- tha mbrojtësi i Glasgow Rangers për gazetën portugeze “O Jogo”.
Burime të shumëfishta presin që transferimi të kalojë për 100 milion euro plus rreth 20-25 milion euro në komision për agjentin Jorge Mendes, ndërsa lojtari ka rënë dakord për një kontratë me vlerë 30 milion euro në vit.
