Chelsea po projekton ekipin e ri për sezonin e ardhshëm. Skuadra londineze me ardhjen e trajnerit Maurizio Sarri është vënë në ndjekje të dy mbrojtësve Daniele Rugani dhe Alessio Romagnoli.
Pas ngërçit me qendërmbrojtësin juventin, “Blutë” kanë marrë përgjigje negative nga Milani për të “dorëzuar” mbrojtësin 23-vjeçar. Edhe pse kanë propozuar 40 milionë €, drejtuesit e Milanit nuk dëshirojnë të lëshojnë futbollistin e dalluar. Në rast kthimi të bujshëm në shtëpi të Bonuçit, qendra e mbrojtjes së kuqezinjve rrezikon të shembet, ndaj Romagnoli është shpresa e fundit për Milanin.
