Ish-trajneri i Kombëtares shqiptare, Gianni De Biasi, foli në mikrofonët e “Rmc Sport” për blerjen e Ronaldos nga Juventusi dhe për rivalitetin që do të ketë në Serie A në sezonin e ri.
“Blerja e Ronaldos nga Juventusi më jep kënaqësi të madhe, sepse është lojtari më i fortë në botë. Ai i jep prestigj Serie A. Gjithashtu jep një ndërgjegjësim më të madh për shokët e ardhshëm të skuadrës, ku do të jetë frymëzues i madh në dhomat e zhveshjes së Juventusit.
Tani shanset janë më të mëdha për të fituar Ligën e Kampionëve. Me Ronaldon goli është i sigurtë, por ai nuk duhet të detyrohet të kthehet në mbrojtje”, tha fillimisht De Biasi.
Përsa i përket serie A, ish-tekniku kuqezi tha: “Ekipet që mund ta ‘ngacmojnë’ Juventusin janë Inter, Roma dhe Napoli, që për momentin më duken në të njëjtin nivel”.
