Daniele De Rossi shprehet se ish-trajneri i tij te Italia e bëri të punonte ndryshe. Pas një sezoni të dobët 2014/15, u duk sikur do të shkonte në MLS por që prej atij momenti është rikthyer në nivele të larta me Roma-n, dhe meritat për këtë i ka Conte.
“Disa momente më kanë ndryshuar, së pari ai me Antonio Conte-n,” ijon ai për Roma TV.
“Ai t’i thotë gjërat në fytyrë dhe të vëzhgon me vëmendje në stërvitje. Me të fillova të punoja ndryshe.
“Në moshën 34-vjeçare, ai nuk më tha se duhet të vrapoja më pak se të tjerët. Shikoni LeBron James, ai bën gjëra më të mëdha se kur ishte i ri.
“Kemi filluar përgatitjet për sezonin e ri. Kanë ardhur disa fytyra të reja. Pastore? E pëlqej, është një djalë i mbarë. Duhet t’i japim kohë të përshtatet.”
