Sot pasdite në orën 17:00 luhet finalja e madhe e Botërorit mes Francës dhe Kroacisë. Ndërkohë që ballkanasit shpresojnë që të futen në histori, për ekipin e Zlatko Daliç dita ka gdhirë me një lajm të jashtëzakonshëm.
Ivan Perisiç duket se është riaftësuar nga problemi muskulor që pati në sfidën gjysëm-finale përballë Anglisë, e kështu do të jetë i gatshëm të zbresë në fushë që nga minuta e parë në “Luzhniki”.
Lojtari i Interit është një nga shtyllat e ekipit kroat, dhe një mungesë e tij ditën e sotme padiskutim që do të përbënte një problem shumë të madh për trajnerin Daliç.
