Meksikanët kërkonin ndihmën e VAR-it për të ndalur simulimet dhe faullet e Nejmarit, por nuk ia dolën. Nejmar u shënoi, por edhe aktroi. Në momentin kur Lajun e shkeli, ai e teproi, por gjyqtarët nuk e konsideruan si një ndërhyrje të qëllimshme ndaj tij. Mjaftoi kaq pak që Nejmar të bëhej personazh në rrjetet sociale.
Fotot që e vinin në lojë ishin të panumërta. Gazetari i “MARCA”-s shkruante se një ditë Nejmar mund të fitojë “Topin e Artë”, por ndoshta edhe çmimin “Oskar”.
Nuk është hera e parë që Nejmar bën sjellje të tilla për të luajtur edhe me nervat e kundërshtarëve dhe deri tani ka qenë një strategji e mirë. Por ajo nuk lë shije pozitive tek ata që e shohin dhe kërkojnë tek ai një shembull të mirë për ta ndjekur.
