Skuadra e Vllaznisë po kalon ditët më të vështira, teksa pas rënies nga kategoria, drejtuesit nuk po arrijnë të gjejnë gjuhën e përbashkët për të ngritur edhe njëherë ekipi shkodran. “Ngërçi” qëndron te Administratori i ri i cili ende nuk është gjetur. Veç kësaj anëtarët e Këshillit Bashkiak kanë shprehur hapur pakënaqësi kundër kryetares së Bashkisë, Voltana Ademi.
Në këto kushte edhe puna për riformatimin e organikës ka mbetur në “vend-numëro”. Pritej të kishte lëvizje për sa i përket firmave të reja, por deri më tani ende nuk është biseduar me lojtarët që do të qëndrojnë apo me ata që kanë vendosur të largohen. Si do të jetë e ardhmja e Vllaznisë? Këtë do të mësojmë vetëm ditët e ardhshme…
