Laçi dhe Skënderbeu luajnë së bashku sfidën e vlefshme për javën e dytë të Kategorisë Superiore. Kurbinasit e Sulejman Starovës, do të kërkojnë pikët e para në këtë sezon të ri, teksa vijnë në këtë përballje pas disfatës 1-0 ndaj Vllaznisë.
Nga ana tjetër korçarët e Ilir Dajës, arritën të triumfonin në sekondat e fundit ndaj Flamurtarit, falë golit të Gripshit, teksa do të tentojnë të vijojnë serinë e rezulteve pozitive, edhe pse me probleme të shumta në organikë.
Kujtojmë që Laçi e ka mposhtur Skënderbeun në 2 përballjet e sezonit të kaluara të luajtura në shtëpi. Të dy trajnerët, Starova dhe Daja kanë bërë publikë edhe formacionet zyrtare, teksa nuk mungojnë surprizat. Te korçarët bie në sy aktivizimi i mbrojtësi Jorgo Meksi, i cili ditën e sotme firmosi me bardhekuqtë.
LIVE| LAÇI-SKËNDERBEU 1-0
Nuabueze 20′
KOMENTI LIVE:
Mbyllet pjesa e parë.
45′ Akordohen 2 minuta shtesë.
39′ Goditje dënimi për Skënderbeun. Provon Dejvi Bregu, por topi shkon mbi traversën e portierit Stazhilla.
33′ Dominim absolut i kurbinasve. Nuabueze provon të kalojë portierin Koliçi me një prabol, por topi ndalet në trupin e gardianit korçar.
31′ Rast ideal për Laçin, Berisha del i vetëm përballë Koliçit, provon me një gjuajtje, por topi shkon ngjitur me shtyllën.
30′ Pranë golit të dytë Laçi me Nuabueze, i cili provon me një goditje nga brenda zonës, por topi shkon jashtë kuadratit.
23’ Xhixha shpërthen në krahun e majtë, nis një pasim interesant për Turkajn por sfera përfundon jashtë katërkëndorit.
20′ LAÇI 1-0/ Vendasit kalojnë në avantazh. Ishte sulmuesi Nuabueze që ka gjetur rrugën e rrjetës! Pas një gabimi të Pollozhanit, futbollisti i skuadrës kurbinase nuk ka falur, duke mposhtur portierin Koliçi.
13′ Oto Xhon provon të surprizojë Stazhillën me një gjuajtje nga brenda zonës, por gjuajtja e sulmuesit përfundon në duart e portierit.
9′ Tjetër mundësi shënimi. Lushkja provone me të djathtën nga jashtë zonës, topi shkon ngjitur me shtyllën.
8′ Shans i artë për Skënderbeun. Muzaka servir për Bregun, i cili brenda zonës, provon me një diagonale, por topi shkon gjitur me shtyllën e Stazhillës.
2′ Mundësi e artë për Laçin. E pabesueshme çfarë humbet Elvi Berisha, nga shumë pranë vijës fatale. Futbollisti bën më të vështirën, duke e nxjerrë topin jashtë kuadratit.
1′ Ka startuar takimi, vendasit menjëherë në sulm.
FORMACIONET ZYRTARE:
LAÇI: Stazhilla, Ignjatoviç, Gjoni, Fangaj, Domgjoni, Shehu, Lushkja, Turkaj, Xhixha, Berisha, Nuabueze. Trajner: Sulejman Starova.
SKËNDERBEU: Koliçi, Pëllumbi, Dita, Pollozhani, Meksi, Muzaka, Taipi, Bregu, Gripshi, Oto Xhon, Krasniqi. Trajner: Ilir Daja.