Kthimi i Leonardo Bonucci tek Juventusi po i afrohet finishit. Drejtuesit bardhezinj kanë vazhduar të punojnë për mbylljen e marrëveshjes me agjentët e dy lojtarëve (Bonucci dhe Caldara), teksa nga SHBA kanë arritur edhe dakordësia e Massimiliano Allegrit: “Rikthimi i Bonuccit? Marrëdhënia ime me Leon ka qenë gjithmonë e mirë, por gjatë karrierës sime si trajner kam pasur diskutime me shumë lojtarë. Nuk kam probleme me të. Juventusi ka pesë mbrojtës të shkëlqyeshëm, klubi mendon për merkaton”.
Një pjesë e rëndësishme, që i është shtuar një misteri, i cili ende nuk ka përfunduar, por është duke u zhvilluar mirë. Bonucci e ka mendjen të mbledhur për t’u kthyer në Torino, Beppe Marotta dhe Fabio Paratici duan ta kënaqin atë dhe Leonardon, me këtë të fundit, drejtor i ri i Milanit, që ka njoftuar faktin se “kapiteni kuqezi ka shprehur dëshirën për të luajtur përsëri te Juventusi”. Një marrveshje drejt formalizimit, e cila do të jetë e pamundur të kthehet mbrapsht.
Në bisedimet mes dy klubeve, palët po përpiqen të përshtatin të gjitha pjesët e operacionit: Bonucci, Caldara dhe Gonzalo Higuain. Për argjentinasin mbetet konkret edhe interesimi i ish-trajnerit të tij te Napoli, Maurizio Sarri. Ky i fundit po shtyn që ta ketë “Pipita” në dispozicion te Chelsea, ku është stacionuar si trajner këtë muaj.
