Është përfolur shumë për të ardhmen e mesfushorit të Lazios, Sergej Milinkovic-Savic. Për 23-vjeçarin pati oferta nga shumë klube të mëdha europiane por në fund ai ka vendosur t’i qëndrojë besnik Lazios.
Pak minuta më parë, vetë klubi italian ka konfirmuar se serbi ka zhvilluar testet mjekësore, duke konfirmuar në këtë mënyrë qëndrimin në Itali dhe mbyllur një herë e mirë gjithçka u fol ditët e fundit.
Kujtojmë që për mesfushorin pati oferta nga Barcelona, Chelsea dhe Juventusi, klube të cilat ishin të gatshme të paguanin deri në 100 milionë euro për të përfituar shërbimet e tij, por që në fund nuk ia kanë arritur.
