Milan shumë shpejt mund të firmosë me Gonzalo Higuain. Lajmi konfirmohet nga një burim shumë i besueshëm, sikurse është “Sky Sport”, që në të njëjtën kohë raportoi edhe për transferimin e Cristiano Ronaldo-s te Juventus. Palët tashmë janë në bisedime dhe gjithçka mund të mbyllet në ditët e ardhshme, pasi edhe koha nuk premton shumë, sepse merkatoja në Itali mbyllet në 17 gusht.
Nëse Higuain transferohet te Milan, do të ishte një “goditje” shumë e madhe për kuqezinjtë, pasi në sezonin e fundit e vuajtën shumë shënimin e golit, që u mendua se do e zgjidhte Andre Silva, por që në fakt portugezi “dështoi me sukses” në “San Siro”.
