Real Madrid është shumë pranë blerjes së portierit Thibaut Courtois pasi ka arritur marrëveshjen me lojtarin. Reali kërkon të zëvendësojë portierin e Kosta Rikës Keylor Navas dhe i kishte vënë syrin edhe Hugo Lloris të Tottenham.
Gjithsesi, Los Blancos ka vendosur Courtois si prioritet dhe tani ka finalizuar marrëveshjen me kampin e belgut.
Tani mbetet vetëm të arrihet akordi me Chelsea-n. Nëse Blutë nuk do të pranojnë të heqin dorë prej gardianit, atëherë Real do të nisë sulmin për Lloris.
Por një transferim i kapitenit të Francës është më i komplikuar se ai i Courtois. Real vazhdon të mendojë për të përforcuar ekipin pas largimit të pesë herë fituesit të Ballon d’Or, Cristiano Ronaldo.
