James Rodriguez sipas të gjitha gjasave nuk do të rikthehet në Spanjë me Real Madridin. Edhe pse “armiku” i tij Zinedine Zidane, që e detyroi të huazohej për një sezon te Bayern Munich dha dorëheqjen pas trofeut të tretë të Champions League prapë duket se në radhët e drejtuesve madrilenë nuk ka ndonjë plan për ta kthyer nga huazimi kolumbianin, i cili ka dhe një vit huazim te bavarezët.
Ambjentimi me kampionët e Gjermanisë dhe liria në fushë e ka bindur Rodriguezin të mos kthehet aty ku nuk arriti të kthehej në njërin prej lojtarëve të pazëvendësueshëm.
