Efekti i Cristiano Ronaldos rrezikon të shqetësojë planet e Juventusit. Sipas “Tuttosport”, në fakt, ngjarja tradicionale e “Villar Perosa” mund të tejkalohet, ose të paktën të pësojë ndryshime thelbësore.
Frika e Juventusit dhe e menaxherëve të sigurisë është se prania e Cristiano Ronaldos shtyn dhjetëra-mijëra njerëz në qytetin e vogël, e cila është shtëpi për rezidencën verore të familjes “Agnelli”, me probleme të njëpasnjëshme dhe të pashmangshme të rendit publik.
Për këto shkaqe, bardhezinjtë po shqyrtojnë mundësinë e lëvizjes së ndeshjes tradicionale në shtëpi, të planifikuar për më 12 gusht, e cila gjithmonë përfundon me një pushtim të qetë të fushës nga tifozët. Stadiumi “Allianz”, ku më shumë se 40.000 njerëz mund të marrin pjesë, shihet si vendi i sigurtë për të zhvilluar këtë ndeshje tradicionale, ku do të shfaqet për herë të parë edhe Cristiano Ronaldo me Juventusin.
E gjitha kjo pa hequr dorë nga vizita tradicionale e skuadrës në “Villar Perosa”, që mund të ndodhë para ndeshjes, në orët e pasdites, ose në mbrëmje. Eshtë vetëm një hipotezë në këtë moment, por vendimi përfundimtar i Juventusit pritet së shpejti. Ndoshta, javën e ardhshme, me pak fjalë, duhet të mësoni diçka më shumë në këtë drejtim. Drejtuesit e bardhezinjve lëkunden: është efekti i Cristiano Ronaldos.
