Eliminimi nga Kupa e Botës erdhi në mënyrën më të keqe të mundshme për Spanjën, me kombëtaren “La Rojo” që i dha lamtumirë turneut pas ekzekutimit të penalltive. Pas kësaj disfate, trajneri i spanjollëve Fernando Hierro ka deklaruar se skuadra kishte ardhur për të bërë mirë, por futbolli kështu e ka.
“Ne të gjithë ndjejmë dhimbje, kemi ardhur për të bërë diçka të rëndësishme, për të luftuar për Kupën e Botës, por kjo është futboll. Nuk ka asgjë të bëjë me angazhimin, shoqërimin dhe përpjekjet e tyre që i vendosin çdo ditë. Është kënaqësi t’i trajnerosh ato. Nëse ka ndonjë gjë për të na kritikuar, unë jam trajner dhe unë jam përgjegjësi për atë që ka ndodhur.”,- tha fillimisht Hierro.
I pyetur për të ardhmen, Hierro ka lënë gjithçka të hapur.
“E ardhmja ime nuk është vendimi im. Pas këtij eliminimi, ajo që bëj nuk ka rëndësi”.-përfundoi tekniku spanjoll.
Spanja u eliminuan nga kombëtarja vendase, Rusia në fazën e 1/8-ave të Kupës së Botës.