Kupa e Botës është treguar e pamëshirshme me David De Gea. Por vuajtjet kanë fund për portierin e Manchester United, pasi Spanja është eliminuar nga turneu nga Rusia me penallti.
Gjatë penalltive, De Gea nuk priti asnjë nga katër goditjet, me Denis Cheyshev një nga lojtarët që nuk goditi mirë por prapëseprapë shënoi.
Numri 1 i Spanjës ka ruajtur rrjetën e paprekur vetëm ndeshjen ndaj Iranit, ku nuk është testuar aspak, ndërsa pësoi dy gola ndaj Marokut dhe tre nga Portugalia.
De Gea hyri në turne si një nga portierët më të mirë në botë por do të kthehet në shtëpi pasi është përballur me 11 goditje në kuadrat – duke përshirë penalltitë në fund ndaj Rusisë – duke pritur vetëm një.
Goditja e vetme e pritur nga De Gea është ajo e Khalid Boutaib.
Pa harruar gabimin trashanik ndaj Portugalisë në goditjen pa shumë pretendime të Ronaldo-s.
1 – Including the penalties shoot-out, David de Gea 🇪🇸 have made only one save in 4 games in this World Cup 2018 🏆. Powerlessness. #ESPRUS #WorldCup pic.twitter.com/jB4H7WRfAm
— OptaJean ⭐⭐ (@OptaJean) July 1, 2018
