Për kundërshtarin e Laçit Anorthosis kualifikimi në raundin e dytë të Europa LEAGUE nuk është zgjidhur akoma. Për t’u njohur më mirë me terrenin dhe klimën në Shqipëri, qipriotët kanë zbritur që dje në Tiranë. Jo vetëm klima dhe atmosfera e krijuar në vend, por Anorthosis dëshiron të shmangë çdo dështim.
Fitorja 2-1 e arritur me përmbysje në shtëpi ndaj kurbinasve nuk i ka lënë të qetë ishullorët. Për përballjen e nesërme në fushën e Laçit, sulmuesi veteran Sekou Cisse i Anorthosis ka theksuar në deklaratën e djeshme në faqen zyrtare të klubit se nuk duhet rrezikuar asgjë përballë kurbinasve dhe paraqitja në ndeshjen e parë duhet të ndryshojë.