Fituesja e Kupës së Botës do të udhëtojë në shtëpi me një thes me para. Dhe kjo sepse FIFA ka rezervuar për numrin 1 të planetit në futboll një çmim të majmë. Fituesja do të shpërblehet me 32.3 milionë euro, kurse nënkampionët e botës do të përfitojnë rreth 10 milionë euro më pak, 23.8 milionë euro.
Duhet thënë se milionat e shpërndarë nga FIFA për Botërorin “Rusi 2018” kalojnë çdo shpërblim të mëparshëm nga institucioni numër 1 i futbollit botëror. Përfaqësuesja e tretë më e mirë e turneut, Belgjika, përfitoi 20 milionë euro pas fitores kundër Anglisë
Në këtë event u shpërndanë 670 milionë euro për të gjitha kombëtaret, shifër më e lartë nga ajo e katër viteve më parë.
Ndërkohë futbollistët e Kroacisë deklaruan se nëse ata do të arrijnë që ta fitojnë trofeun, atëherë do të ngjyrosin flokët në kuadrate të bardhe dhe të kuqe, ngjyrat e flamurit kroat.
