Juventus kalon në çerekfinalen e Copa Italia pas fitores 2-0 ndaj Bologna-s në Dall’Ara.
Massimiliano Allegri kishte bërë goxha rotacion në prag të Superkupës së Italisë ndaj Milan. Në sy ra aktivizimi nga minuta e parë e Moise Kean, i cili ka shënuar golin e dytë.
Dy gola ka shënuar Kean me Juventus në të gjithë kompeticionet, të dy kanë ardhur ndaj Bologna-s në Dall’Ara (i pari i shënuar më 27 maj të 2017 në Serie A). Që tani talenti e ka gjetur viktimën e tij të preferuar.
Juventus arrin të shkëlqejë edhe pa Dybala dhe Ronaldo, të cilët ishin në stol. Por duhet thënë se edhe Bologna ja bëri shumë të thjeshtë, sidomos me golin e parë, që ishte një gabim i portierit Da Costa.