CAS-i i dha të drejtën Milanit të luajë në Europa League dhe ajo që e pëson në këtë rast është Fiorentina, që mbetet jashtë kupave të Europës.
Dhe menjëherë kanë ardhur reagimet nga skuadra nga Firence, ku e para ka folur me shumë indinjatë Rita Antonjoni, bashkëshortja e menaxherit të klubit, Xhankarlo Antonjoni.
“Fiorentina e meritonte Europën dhe tani kuptohet që rregullat nuk janë njësoj për të gjithë. Për ta çuar Fiorentinën në C2 nuk u menduan fare. Ky futboll është i sëmurë dhe nuk më pëlqen më”.
Rita Antonjoni e ka shprehur në Facebook indinjatën e saj pas vendimit të CAS-it.
“Çfarë drejtësie është kjo? Bëni si të doni! Ky është një grusht i fortë për rregullat. Një palaçollëk”, ka shtuar ajo.