Kevin Gameiro mund të konsiderohet një lojtar i Valencias. 31-vjeçari, i cili këto kohë është stërvitur i veçuar nga grupi, me shumë mundësi nuk do të jetë mes të grumbulluarve të trajnerit Diego Simeone për turneun veror në Singapor me skuadrën e Ateltico Madrid.
Me shumë mundësi Gameiro do të ndryshojë fanellë ku për sezonin e ardhshëm do të veshë atë të Valencias. Për transferimin e sulmuesit francez nën urdhërat e trajnerit Marcelino Garcia Toral, klubi nga “Mestalla” do të derdhë në arkat e Los Colchoneros shumën e 15 milionë eurove.
